காவல்துறை அதிகாரி ரூபாவுக்கு குடியரசுத் தலைவரின் பதக்கம் September 17, 2017

கர்நாடகத்தைச் சேர்ந்த காவல்துறை அதிகாரி ரூபா சிறப்பாகப் பணியாற்றியதற்காக, குடியரசுத் தலைவரின் பதக்கம் வழங்கப்பட்டது.

பெங்களூரில் உள்ள ஆளுநர் மாளிகையில் நடைபெற்ற நிகழ்ச்சியில், ஆளுநர் வாஜுபாய் வாலா இந்தப் பதக்கத்தை ரூபாவுக்கு அணிவித்தார். முதலமைச்சர் சித்தராமையா, இந்நிகழ்ச்சியில் கலந்து கொண்டார்.  

கர்நாடகச் சிறைத்துறையில் டிஐஜியாக பணியாற்றிய ரூபா, சொத்துக்குவிப்பு வழக்கில் பெங்களூர் சிறையில் அடைக்கப்பட்டுள்ள சசிகலாவுக்கு, சிறையில் சிறப்பு வசதிகள் செய்துகொடுக்கப்பட்டுள்ளதாக கூறி, வீடியோ காட்சிகளை வெளியிட்டுப் பரபரப்பை ஏற்படுத்தியவர் ஆவார்.