n s7.tv
சூரிய ஆற்றல் மூலம் இயங்கும், ஆளில்லா விமானத்தை சீனா வெற்றிகரமாக சோதனை செய்துள்ளது. MOZI 2 என பெயரிடப்பட்டுள்ள இந்த விமானம் 8 ஆயிரம் மீட்டர் உயரம் வரை பறக்கும் திறன் கொண்டது.
இந்த சோலார் விமானத்தை எரிபொருள் மூலம் இயக்காமல் முற்றிலும் சூரிய ஒளி மூலம் இயங்கும் வகையில் அமைக்கப்பட்டுள்ளது. பகல் நேரத்தில் சேமிக்கப்படும் சூரிய ஒளியை வைத்து, இரவு நேரத்திலும் இந்த விமானம் இயங்கும் வகையில் தொழில்நுட்பங்கள் இணைக்கப்பட்டுள்ளன.
கடந்த 2016-ம் ஆண்டு சீனா சோதனை செய்த MOZI 1 விமானத்தின் மேம்படுத்தப்பட்ட வடிவமே இந்த ஆளில்லா சோலார் விமானமாகும். ஆய்வு மற்றும் உளவு பணிக்காக வடிவமைக்கப்பட்டுள்ள இந்த விமானம், பேரிடர் கால மீட்பு பணியிலும் ஈடுபடுத்த திட்டமிட்டுள்ளதாக தெரிவிக்கப்பட்டுள்ளது.