உள்நாட்டு மொத்த உற்பத்தி 5 சதவீதமாக குறைந்திருப்பதன் மூலம், நாட்டின் பொருளாதாரத்தில் மந்தநிலை ஏற்பட்டிருப்பது, வெட்ட வெளிச்சமாகியுள்ளதாக திமுக தலைவர் மு.க.ஸ்டாலின் விமர்சித்துள்ளார்.
நடப்பு நிதி ஆண்டின் ஏப்ரல் முதல் ஜூன் வரையிலான முதல் காலாண்டுக்கான உள்நாட்டு மொத்த உற்பத்தி குறித்த புள்ளி விவரத்தை மத்திய புள்ளியியல் துறை நேற்று வெளியிட்டது. அதன்படி, அதற்கு முந்தைய காலாண்டில் இருந்ததை விட 0.8 சதவீதம் குறைந்து 5 சதவீதம் என்ற அளவில் உள்ளது.
இந்நிலையில், இது குறித்து, ட்விட்டரின் பதிவிட்டுள்ள அவர், அலங்காரப் பேச்சுகளைப் பேசி மார்தட்டிக் கொள்வதை விடுத்து, இப்போதாவது பாஜக அரசு விழித்துக் கொள்ள வேண்டும் என கூறியுள்ளார். உண்மையான பிரச்னைகளான வேலை இழப்புகள், தொழிற்துறை சரிவு மற்றும் கிராமப்புற துயரங்கள் குறித்து பாஜகவினர் பேச வேண்டும் எனவும் மு.க. ஸ்டாலின் வலியுறுத்தியுள்ளார்.
credit Ns7.tv
