Breaking News
Loading...
வியாழன், 28 டிசம்பர், 2017

Info Post
Image

காஞ்சிபுரம் மாவட்டம் மதுராந்தகம் அருகே உள்ள வேடந்தாங்கல் பறவைகள் சரணாலயத்தில், பறவைகளின் உணவிற்காகவும், ஏரி நீரை தூய்மைப்படுத்தவும் மீன் குஞ்சுகள் விடப்பட்டன.

வேடந்தாங்கல் சரணாலயம் கடந்த நவம்பர் முதல் வாரத்தில் பறவைகளின் வருகையால் திறக்கப்பட்டது. தற்போது, சரணாலயத்தில் 20 வகையான அரிய வகை வெளிநாட்டு பறவையினங்கள் உள்ளன.

இதில் கூழைக் கிடா, வக்கா, சாம்பல் நிற கொக்கு, கரண்டி வாயன், தட்ட வாயன், நீர்காகம், வர்ண நாரை உள்ளிட்ட பறவையினங்கள் வந்துள்ளன. 26 ஆயிரம் பறவைகள் தற்போது அங்கு உள்ளதாக கூறப்படுகிறது.

பறவைகளின் உணவிற்காகவும், பறவையின் எச்சத்தை மீன்கள் உண்டு நீரினை சுத்தப்படுத்துவதற்காகவும் ஏரியில் 20 ஆயிரம் மீன் குஞ்சுகள் விடப்பட்டன.