ஊதிய உயர்வு குறித்து தொழிற்சங்கங்களுடன் மின்சார வாரிய அதிகாரிகள் நடத்திய பேச்சுவார்த்தை தோல்வி அடைந்ததை தொடர்ந்து, திட்டமிட்டபடி வரும் 16ம் தேதி வேலைநிறுத்தம் நடைபெறும் என தொழிற்சங்கங்கள் அறிவித்துள்ளன.
மின்வாரிய ஊழியர்களுக்கு கடந்த 2015-ம் ஆண்டு டிசம்பர் 1-ம் தேதி முதல் வழங்கப்பட வேண்டிய ஊதிய உயர்வு, 26 மாதங்களாக வழங்கப்படவில்லை. இதைக் கண்டித்து, சி.ஐ.டி.யூ மற்றும் பி.எம்.எஸ் ஆகிய தொழிற்சங்கங்கள் வேலை நிறுத்தத்தில் ஈடுபட போவதாக அறிவித்தன.
வேலை நிறுத்த அறிவிப்பு வெளியானதும் உடனடி நடவடிக்கையாக கடந்த மாதம் 22-ம் தேதி அன்று தொழிலாளர் ஆணையர் முன்னிலையில் சமரசப் பேச்சுவார்த்தை நடைபெற்றது. அதில் மின்வாரிய உயர் அதிகாரிகள், தொழிலாளர் நல அதிகாரிகள், தொழிற்சங்கத்தினர் கலந்து கொண்டனர்.
அப்போது வரும் 12-ம் தேதி ஊதிய உயர்வு தொடர்பாக ஒப்பந்தம் மேற்கொள்ளப்படும் என அரசின் சார்பில் உறுதியளிக்கப்பட்டது. ஆனால், இந்த ஒப்பந்தத்தை மீறி, மின்சார வாரிய ஊழியர்களுக்கு இடைக்கால நிவாரணம் வழங்கப்படும் என தமிழக அரசு அறிவித்தது.
இதனையடுத்து, வரும் 16-ம் தேதி ஒரு நாள் வேலைநிறுத்தம் செய்ய 10 சங்கங்கள் சார்பில் முடிவு செய்யப்பட்டது. அதனைத்தொடர்ந்து, ஊதிய உயர்வு தொடர்பாக தொழிற்சங்கத்தினருடன் மின்வாரிய ஊழியர்கள் இன்று மீண்டும் பேச்சுவார்த்தை நடத்தினர். இதில் எந்த முடிவும் எட்டப்படாததால், திட்டமிட்டபடி 16-ம் தேதி வேலைநிறுத்தம் நடத்தப்படும் என தொழிற்சங்கங்கள் தெரிவித்துள்ளன.
மின்வாரிய ஊழியர்களுக்கு கடந்த 2015-ம் ஆண்டு டிசம்பர் 1-ம் தேதி முதல் வழங்கப்பட வேண்டிய ஊதிய உயர்வு, 26 மாதங்களாக வழங்கப்படவில்லை. இதைக் கண்டித்து, சி.ஐ.டி.யூ மற்றும் பி.எம்.எஸ் ஆகிய தொழிற்சங்கங்கள் வேலை நிறுத்தத்தில் ஈடுபட போவதாக அறிவித்தன.
வேலை நிறுத்த அறிவிப்பு வெளியானதும் உடனடி நடவடிக்கையாக கடந்த மாதம் 22-ம் தேதி அன்று தொழிலாளர் ஆணையர் முன்னிலையில் சமரசப் பேச்சுவார்த்தை நடைபெற்றது. அதில் மின்வாரிய உயர் அதிகாரிகள், தொழிலாளர் நல அதிகாரிகள், தொழிற்சங்கத்தினர் கலந்து கொண்டனர்.
அப்போது வரும் 12-ம் தேதி ஊதிய உயர்வு தொடர்பாக ஒப்பந்தம் மேற்கொள்ளப்படும் என அரசின் சார்பில் உறுதியளிக்கப்பட்டது. ஆனால், இந்த ஒப்பந்தத்தை மீறி, மின்சார வாரிய ஊழியர்களுக்கு இடைக்கால நிவாரணம் வழங்கப்படும் என தமிழக அரசு அறிவித்தது.
இதனையடுத்து, வரும் 16-ம் தேதி ஒரு நாள் வேலைநிறுத்தம் செய்ய 10 சங்கங்கள் சார்பில் முடிவு செய்யப்பட்டது. அதனைத்தொடர்ந்து, ஊதிய உயர்வு தொடர்பாக தொழிற்சங்கத்தினருடன் மின்வாரிய ஊழியர்கள் இன்று மீண்டும் பேச்சுவார்த்தை நடத்தினர். இதில் எந்த முடிவும் எட்டப்படாததால், திட்டமிட்டபடி 16-ம் தேதி வேலைநிறுத்தம் நடத்தப்படும் என தொழிற்சங்கங்கள் தெரிவித்துள்ளன.
