மின்வாரிய ஊழியர்கள் வேலைநிறுத்தம் திட்டமிட்டபடி இன்று நடைபெறும் என சிஐடியூ தொழிற்சங்கம் அறிவித்துள்ளது.
ஊதிய உயர்வு உள்ளிட்ட கோரிக்கைகளை வலியுறுத்தி போக்குவரத்து ஊழியர்கள் சமீபத்தில் வேலைநிறுத்தத்தில் ஈடுபட்டனர். அந்த பரபரப்பு அடங்குவதற்குள் மின் ஊழியர்கள் ஊதிய உயர்வு பிரச்னை எழுந்துள்ளது. ஊதிய உயர்வு உள்ளிட்ட கோரிக்கைகளை வலியுறுத்தி சிஐடியூ உள்ளிட்ட தொழிற்சங்கங்கள் போர்க்கொடி தூக்கியுள்ளன.
கடந்த திங்கட்கிழமை அரசுடன் நடத்திய பேச்சுவார்த்தை தோல்வியடைந்த நிலையில் நேற்று மீண்டும் பேச்சுவார்த்தை நடைபெறும் என எதிர்பார்க்கப்பட்டது. ஆனால் அவ்வாறு நடைபெறவில்லை. இந்நிலையில் திட்டமிட்டபடி இன்று வேலைநிறுத்தம் நடத்தப்படும் என சிஐடியூ தொழிற்சங்கம் அறிவித்துள்ளது.
