சந்திரயான்-2 விண்கலம் வரும் 15ம் தேதி விண்ணில் ஏவப்பட உள்ள நிலையில், இறுதிக்கட்ட சோதனைகளை இஸ்ரோ இன்று மேற்கொள்கிறது.
நிலவை ஆய்வு செய்வதற்காக சந்திரயான் - 2 விண்கலம், வரும் 15ம் தேதி ஆந்திர மாநிலம் ஸ்ரீஹரிகோட்டாவில் இருந்து விண்ணில் ஏவப்படுகிறது. இந்த விண்கலம் 978 கோடி ரூபாய் செலவில் உருவாக்கப்பட்டுள்ள நிலையில், முன்னேற்பாடுகளை இஸ்ரோ தீவிரமாக மேற்கொண்டு வருகிறது. இந்நிலையில் இன்று இறுதிக்கட்ட சோதனைகள் நடைபெற உள்ளன.
சந்திரயான்-2 விண்கலத்தை விண்ணில் ஏவுவது தொடர்பான சிக்னல்கள், தொலைத்தொடர்பு என அனைத்து வகை செயல்பாடுகள் குறித்தும் முழுமையாக சோதனை செய்யப்பட உள்ளது. விண்கலத்தின் இறுதி கட்ட சோதனை நிகழ்வில் இஸ்ரோ விஞ்ஞானிகள் பங்கேற்கின்றனர்.
credit ns7.tv
