நீட் தேர்வுக்கான ஹால் டிக்கெட்டில் ஏற்பட்டுள்ள குளறுபடிகளால் மாணவர்கள் குழப்பத்தில் ஆழ்ந்துள்ளனர்.
தமிழகத்தில் நீட் நுழைவுத் தேர்வுக்காக கொடுக்கப்பட்ட ஹால் டிக்கெட்களில் தேர்வு நடைபெறும் ஊர் வேறாகவும், தேர்வு மையம் வேறாகவும் இருப்பதாக பல மாணவர்கள் குற்றம்சாட்டி இருந்தனர். இதனிடையே, மதுரை மாவட்டம் உசிலம்பட்டியைச் சேர்ந்த ப்ரியதர்ஷனி என்ற மாணவி நீட் தேர்வு ஹால் டிக்கெட்டை பதிவிறக்கம் செய்தபோது தேர்வு எழுதும் மைய எண் மதுரை 4 ஆயிரத்து 106 எனவும் தேர்வு எழுதும் இடம் திருநெல்வேலி உள்ள அரசுப்பள்ளி எனவும் குறிப்பிடப்பட்டுள்ளது. இதைக்கண்டு அதிர்ச்சியடைந்த மாணவியும் பெற்றோரும் இந்த குளறுபடிகளை யாரிடம் தெரிவிப்பது என குழப்பதில் ஆழ்ந்துள்ளனர்
இந்நிலையில் ஹால்டிக்கெட் குளறுபடிகள் குறித்து மதுரை மாவட்ட கல்வி அலுவலர் விளக்கம் அளித்துள்ளார். நீட் ஹால் டிக்கெட்டில் ஏதேனும் குழப்பம் இருந்தாலோ விவரங்கள் சரியாக இல்லாமல் இருந்தாலோ அத்தகைய ஹால் டிக்கெட்டுகளை பெற்று முதன்மைக்கல்வி அலுவலகத்தில் திருத்தம் மேற்கொள்ள வேண்டும் என மாவட்ட கல்வி அலுவலர் அறிவுறுத்தியுள்ளார்
source ns7.tv
