தமிழகத்தில் கொரோனாவால் பாதிக்கப்பட்டோர் எண்ணிக்கை 11,224 ஆக அதிகரித்துள்ளது. தமிழகத்தில் இன்று ஒரே நாளில் 639 பேருக்கு கொரோனா தொற்று கண்டறியப்பட்டதையடுத்து, மொத்த பாதிப்பு எண்ணிக்கை 11,224 ஆக உயர்ந்துள்ளது. சென்னையில் இன்று மட்டும் 482 பேருக்கு கொரோனா தொற்று உறுதியாகியுள்ளது.
பலி எண்ணிக்கை 75ஐ கடந்தது:
தமிழகத்தில் இன்று 4 பேர் உயிரிழந்ததையடுத்து மொத்த பலி எண்ணிக்கை 78 ஆக உயர்ந்துள்ளது. இன்று உயிரிழந்தவர்களில் 2 பேர் சென்னையை சேர்ந்தவர்கள், திருவள்ளூர் மாவட்டத்தை சேர்ந்தவர்கள் 2 பேர் என்பது குறிப்பிடத்தக்கது. கொரோனாவால் பாதிக்கப்பட்ட 634 பேர் இன்று குணமடைந்துள்ளனர். இதுவரை 4,172 பேர் குணமடைந்துள்ளதாக தகவல் வெளியாகியுள்ளது. தற்போது 6,971 பேர் சிகிச்சை பெற்று வருகின்றனர்.
கொரோனா பாதிப்பு - பாலின வாரியான விவரம்:
தமிழகத்தில் இதுவரை கொரோனா தொற்று உறுதியான 11,224 பேரில், 7,343 ஆண்கள், 3,878 பேர் பெண்கள், 3 பேர் மூன்றாம் பாலினத்தவர் என்பது குறிப்பிடத்தக்கது. தமிழகம் முழுவதும் இதுவரை 3,26,720 பேரின் மாதிரிகள் பரிசோதனை செய்யப்பட்டுள்ளதாகவும், இன்று மட்டும் 13,081 பேரின் மாதிரிகள் பரிசோதனை செய்யப்பட்டுள்ளதாகவும் தமிழக சுகாதாரத்துறை தெரிவித்துள்ளது.
சென்னையில் உயிரிழப்பு 50ஐ தாண்டியது:
சென்னையில் இன்று 450ஐ தாண்டியது கொரோனா பாதிப்பு. சென்னையில் 482 பேருக்கு இன்று கொரோனா உறுதி செய்யப்பட்டுள்ளதை அடுத்து, பாதிக்கப்பட்டவர்கள் எண்ணிக்கை 6,750 ஆக உயர்ந்ததுள்ளது. தமிழகத்தில் இன்று கொரோனாவால் உயிரிழந்த 4 பேரில் சென்னையை சேர்ந்தவர்கள் 2 பேர் என்பது குறிப்பிடத்தக்கது. இதன்மூலம் சென்னையில் மட்டும் 53 பேர் உயிரிழந்துள்ளனர்.
மாவட்ட வாரியான பாதிப்பு நிலவரம்:
தமிழகத்தில் இன்று அதிகளவாக சென்னையில் 482 பேருக்கு கொரோனா பாதிப்பு உறுதியாகி உள்ளது. செங்கல்பட்டில் 28, திருவள்ளூரில் 18, மதுரையில் 10 பேரும் இன்று தொற்றால் பாதிக்கப்பட்டுள்ளனர். திருவள்ளூர் மாவட்டத்தில் இன்று 18 பேர் கொரோனாவால் பாதிக்கப்பட்டுள்ளதால், மொத்த பாதிப்பு அந்த மாவட்டத்தில் 546 ஆக உயர்ந்துள்ளது. மேலும், செங்கல்பட்டில் இன்று 28 பேர் கொரோனாவால் பாதிக்கப்பட்டுள்ளதால், மொத்த பாதிப்பு 498 ஆக உயர்ந்துள்ளது.
மே 01 - 2526 மே 11 - 8002
மே 02 - 2757 மே 12 - 8718
மே 03 - 3023 மே 13 - 9227
மே 04 - 3550 மே 14 - 9674
மே 05 - 4058 மே 15 - 10108
மே 06 - 4829 மே 16 - 10585
மே 07 - 5409 மே 17 - 11224
மே 08 - 6009
மே 09 - 6535
மே 10 - 7204
credit ns7tv
