சென்னையில், வழக்கறிஞரிடம் லிஃப்ட் கேட்பது போல் வழிப்பறியில் ஈடுபட்ட 6 இளைஞர்களை போலீசார் கைது செய்து சிறையில் அடைத்தனர்.
சென்னை மேற்கு தாம்பரத்தை சேர்ந்த வழக்கறிஞர் சிவசுப்பிரமணியன் அம்பத்தூரில் உள்ள தனியார் நிறுவனத்தில் சட்ட ஆலோசகராக பணியாற்றி வருகிறார்.
கடந்த 2 தினங்களுக்கு முன்பு அம்பத்தூரில் உள்ள தனியார் நிறுவனத்தில் பணியை முடித்து விட்டு இரவு வீட்டிற்கு மோட்டார் சைக்கிளில் குன்றத்தூர் வழியாக வந்து கொண்டிருந்தார்.
அப்போது சாலையோரத்தில் நின்று கொண்டிருந்த சில இளைஞர்கள் லிப்ட் கேட்டுள்ளனர், இதன் காரணமாக அவர்களுக்கு உதவ நினைத்து வாகனத்தை நிறுத்திய வழக்கறிஞரிடம், அந்த வாலிபர்கள் வழிப்பறியில் ஈடுபட்டு அங்கிருந்து தப்பி சென்றனர்.
வழக்கறிஞர் அளித்த புகார் பேரில் நடவடிக்கை மேற்கொண்ட போலீசார், வழிப்பறி சம்வத்தில் ஈடுபட்ட தண்டலம் பகுதியை சேர்ந்த 6 இளைஞர்களை கைது செய்தனர்.
