credit ns7.tv
ஹிந்து மதத்தைச் சேர்ந்தவரை வரலாற்றில் முதல்முறையாக பாகிஸ்தான் தனது விமானப்படையின் பைலட்டாக நியமித்துள்ளது.
பாகிஸ்தானின் சிந்து மாகாணத்தின் பெரிய மாவட்டமானது தர்பார்கர், இது ஹிந்து மக்கள் அதிகம் வசிக்கும் பகுதியாக விளங்கி வருகிறது. உணவு, தண்ணீர் பிரச்சனை நிலவும் மிகவும் பிந்தங்கிய இப்பகுதியைச் சேர்ந்தவர் ராகுல் தேவ், இவர் ஹிந்து மதத்தைச் சேர்ந்தவர்.
தற்போது ராகுல் தேவ், பாகிஸ்தான் விமானப்படையில் பைலட்டாக சேர்க்கப்பட்டுள்ளார். பாகிஸ்தானில் சிறுபான்மையினராக விளங்கும் ஹிந்து மதத்தை சேர்ந்த ஒருவர் விமானப்படையின் விமானியாவது இதுவே முதல் முறையாகும்.
பாகிஸ்தானில் ஹிந்துக்கள் உட்பட பல சிறுபான்மை மக்கள் துன்புறுத்தப்பட்டு வருவதாக கூறப்படும் நிலையில் சிறுபான்மையின மதத்தை சேர்ந்தவர் ஒருவர் பைலட்டாக நியமிக்கப்பட்டுள்ளது ஆச்சரியத்தை ஏற்படுத்தியுள்ளது.
இது தொடர்பாக அனைத்து பாகிஸ்தானிய ஹிந்து பஞ்சாயத்து செயலாளர் ரவி தவானி கூறுகையில், ராகுல் தேவின் நியமனம் எங்களுக்கு மகிழ்ச்சியை ஏற்படுத்தியுள்ளது. ஹிந்து மதத்தைச் சேர்ந்தவர்கள் பலரும் ராணுவம், மருத்துவம், குடிமைப்பணி உள்ளிட்ட பல முக்கிய துறைகளில் பணியாற்றி வருகின்றனர்.
பாகிஸ்தான் அரசாங்கம் இது போன்று சிறுபான்மையினர் மீது கவனம் செலுத்தத்தொடங்கினால் வரும் நாட்களில் பல ராகுல் தேவ்கள் நாட்டுக்காக சேவை புரிய தொடங்குவர் என அவர் தெரிவித்தார்.
