UPSC நடத்தும் சிவில் சர்வீசஸ் முதல்நிலைத் தேர்வு ஒத்திவைக்கப்பட்டுள்ளதாக அறிவிப்பு வெளியாகியுள்ளது.
ஐஏஎஸ், ஐபிஎஸ் உள்ளிட்ட பணியிடங்களுக்கான சிவில் சர்வீஸ் தேர்வை மத்திய அரசுப் பணியாளர் தேர்வாணையம் (UPSC) ஒவ்வொரு ஆண்டும் நடத்தி வருகிறது.
இந்நிலையில் கொரோனா பாதிப்பு காரணமாக, 2020-ம் ஆண்டுக்கான சிவில் சர்வீஸ் முதல்நிலைத் தேர்வுகள் ஒத்தி வைக்கப்பட்டுள்ளதாக அறிவிப்பு வெளியாகியுள்ளது.
2020-ம் ஆண்டுக்கான சிவில் சர்வீசஸ் தேர்வுகள் வருகிற 31ம் தேதி நடைபெறவிருந்தது. மே 3-ம் தேதி முடியவிருந்த ஊரடங்கு உத்தரவு மேலும் நீட்டிக்கப்பட்டு மே 17-ம் தேதி வரை அமலில் உள்ளது.
அதனால் யுபிஎஸ்சி நடத்தும் சிவில் சர்வீசஸ் தேர்வுகள் ஒத்தி வைக்கப்பட்டுள்ளதாக அறிவிக்கப்பட்டுள்ளது. தேர்வு நடைபெறும் புதிய தேதி தொடர்பாக மே 20-ம் தேதி முடிவெடுக்கப்படும் என்றும், இதுதொடர்பான தகவல்களை யுபிஎஸ்சி அதிகாரப்பூர்வ இணையதள பக்கத்தில் தெரிந்து கொள்ளலாம் என்றும் குறிப்பிட்டுள்ளனர்.
ஊரடங்கு உத்தரவு அமலில் உள்ள நிலையில், பல்வேறு தேர்வுகள் ஒத்தி வைக்கப்பட்டு வருவது குறிப்பிடத்தக்கது.
credit ns7.tv
