கேரளாவில் நிகழ்ந்த சாலை விபத்து ஒன்றில் மீன் விற்றதற்காக விமர்சிக்கப்பட்ட கல்லூரி மாணவி படுகாயமடைந்த சம்பவம் அதிர்ச்சியை ஏற்படுத்தியுள்ளது.
கேரள மாநிலம் திரிச்சூரை சேர்ந்த கல்லூரி மாணவி ஹனன் ஹமீத். மிகவும் ஏழ்மையான குடும்பத்தில் பிறந்த இவர், குடும்பத்தின் வறுமையை போக்க மீன் விற்றார். கேரள முதல்வர் பினராயி விஜயன் உள்ளிட்ட பலர் இவரை பாராட்டிய நிலையில், பிரபலமடைவதற்காக இவ்வாறு இந்த மாணவி செய்வதாக பலர் விமர்சித்தனர்.
மேலும், திரைப்படத்தில் நடிக்க வாய்ப்பு கொடுப்பதாக சினிமா இயக்குனர்கள் பலர் முன்வந்தனர். தற்பொழுது பல்வேறு நிகழ்ச்சிகளில் பங்கேற்றுக்கொண்டிருக்கும் இவர், நேற்று கடைதிறப்பு நிகழ்ச்சி ஒன்றில் பங்கேற்றார். நிகழ்ச்சி முடிந்து திரும்பிக்கொண்டிருந்தபொழுது, ஹனன் பயணித்த கார் கொடுங்கலூர் சாலையில் ஒரு மின்கம்பி மீது மோதி விபத்துக்குள்ளானது.
விபத்தில் படுகாயமடைந்த ஹனன், சிகிச்சைக்காக மருத்துவமனையில் அனுமதிக்கப்பட்டார் ஹனன். அவருக்கு எலும்பு முறிவு ஏற்பட்டுள்ளதாக மருத்துவர்கள் தெரிவித்தனர்.
