ஜேஎன்யு மாணவர்கள் மீது நடத்தப்பட்ட தாக்குதலை கண்டித்து சக மாணவர்கள் விடிய விடிய போராட்டத்தில் ஈடுபட்டனர்.
ஜவஹர்லால் நேரு பல்கலைக்கழக மாணவர்கள் மீதான தாக்குதலை கண்டித்து, டெல்லி காவல்துறை தலைமையகத்தை முற்றுகையிட்டு மாணவர்கள் போராட்டத்தில் ஈடுபட்டனர். இதேபோன்று தாக்குதலில் ஈடுபட்டவர்களை கைது செய்ய கோரி பலகலைக்கழக வளாகத்தில் ஏராளமான மாணவர்கள் விடிய விடிய போராட்டத்தில் ஈடுபட்டனர்.
இதனிடையே வன்முறை நடைபெற்ற பல்கலைக்கழக வளாகத்தில் டெல்லி போலீசார் கொடி அணி வகுப்பு நடத்தினர். ஆனால் இதற்கு எதிர்ப்பு தெரிவித்த மாணவர்கள் போலீசாரை வளாகத்தை விட்டு வெளியேறுமாறு முற்றுகையிட்டு கடும் வாக்குவாதத்தில் ஈடுபட்டனர். இதனால் அப்பகுதியில் பதற்றமான சூழல் நிலவியது.
இந்த வன்முறை சம்பவத்திற்கு எதிர்ப்பு தெரிவித்து மும்பையில் உள்ள கேட் வே ஆப் இந்தியா பகுதியில் பல்வேறு பல்கலைக்கழங்களை சேந்த மணவர்கள் திரண்டு கண்டன ஆர்ப்பாட்டத்தில் ஈடுபட்டனர். இதேபோன்று அலிகார் முஸ்லீம் பல்கலைக்கழக மாணவர்களும் போராட்டத்தில் குதித்தனர்.
credit ns7.tv
