தமிழகத்தில் திட்டமிட்டபடி நாளை கல்லூரிகள் மற்றும் பல்கலைக்கழகங்கள் திறக்கப்படும் என உயர்கல்வித்துறை தெரிவித்துள்ளது.
கிறிஸ்துமஸ், உள்ளாட்சித் தேர்தல் மற்றும் புத்தாண்டு காரணமாக டிசம்பர் 19ம் தேதி முதல் ஜனவரி 1 ம் தேதி வரை தமிழகத்தில் உள்ள அனைத்து பல்கலைக்கழகங்கள் மற்றும் கல்லூரிகளுக்கு விடுமுறை அளிக்கப்பட்டது.
இந்நிலையில் கல்லூரிகள் மற்றும் பல்கலைக்கழகங்கள் நாளை முதல் திறக்கப்படும் என தெரிவிக்கப்பட்டுள்ளது. டிசம்பர் 27 மற்றும் 30 ஆகிய தேதிகளில் நடைபெற இருந்த செமஸ்டர் தேர்வுகள் ஜனவரி 2ம் தேதி முதல் தொடர்ந்து நடைபெறும் என்றும் உயர் கல்வித்துறை அறிவித்துள்ளது.
credit ns7.tv
