நீட் நுழைவுத் தேர்வுக்கு விண்ணப்பிப்பதற்கான கால அவகாசத்தை, ஜனவரி 6ம் தேதி வரை தேசிய தேர்வு முகமை நீட்டித்துள்ளது.
நாடு முழுவதும் உள்ள மருத்துவக் கல்லூரிகளில், இளநிலை மருத்துவப் படிப்புகளில் சேர்வதற்கான நீட் தேர்வு வரும் மே மாதம் 3-ம் தேதி நடைபெறுகிறது. இந்த தேர்வில் கலந்து கொள்ள கடந்த டிசம்பர் 2-ம் தேதி முதல் மாணவர்கள் ஆர்வத்துடன் விண்ணப்பித்து வருகின்றனர்.
தேர்வுக்கு விண்ணப்பிப்பதற்கான கால அவகாசம் நேற்று இரவுடன் நிறைவடையவிருந்த நிலையில், வரும் ஜனவரி 6-ம் தேதி வரை விண்ணப்பிப்பதற்கான அவகாசத்தை நீட்டித்து தேசிய தேர்வு முகமை அறிவித்துள்ளது.
11 மொழிகளில் நடைபெறும் நீட் தேர்வுக்கு நாடு முழுவதும், இதுவரை 16 லட்சம் மாணவர்களும், தமிழகத்தில் ஒரு லட்சத்து 80,000 மாணவர்களும் விண்ணப்பித்துள்ளதாக தேசிய தேர்வு முகமை தெரிவித்துள்ளது.
credit ns7.tv
