நீலகிரி மாவட்டம் முதுமலை புலிகள் காப்பக வனப்பகுதியில் சுருக்கு கம்பியில் சிக்கி பெண் புலி உயிரிழந்த சம்பவம் தொடர்பாக வனத்துறையினர் விசாரணை நடத்தி வருகின்றனர்.
முதுமலை புலிகள் காப்பக தெப்பகாடு சரகத்திற்குட்பட்ட இம்பர்லா வனப்பகுதியில், சுமார் ஒன்றறை வயது பெண் புலி ஒன்று இறந்து கிடப்பதாக கள இயக்குனருக்கு தகவல் கிடைத்தது.
இதனையடுத்து தொண்டு நிறுவனங்கள் முன்னிலையில் இறந்த புலிக்கு வனத்துறை அதிகாரிகள் பிரேதப் பரிசோதனை செய்தனர். அதில் சுருக்கு கம்பி கழுத்தில் இறுக்கி சுமார் ஏழு நாட்கள் முன்பாக பெண் புலி உயிரிழந்தது தெரியவந்தது. இந்த சம்பவம் குறித்து வனத்துறையினர் விசாரித்து வருகின்றனர்.
