சத்தீஸ்கரில் நக்சலைட் நிறைந்த பகுதிகளில், இன்று முதற்கட்டமாக 18 தொகுதிகளுக்கு பலத்த பாதுகாப்புடன் வாக்குப்பதிவு நடைபெறுகிறது.
90 தொகுதிகள் கொண்ட சத்தீஸ்கரில், இன்று 18 தொகுதிகளுக்கும் 20-ந்தேதி 72 தொகுதிகளுக்கும் வாக்குப்பதிவு நடைபெற உள்ளது. பஸ்தார், பிஜப்பூர், தண்டேலாடா உள்பட நக்சலைட்டுகள் ஆதிக்கம் நிறைந்த மாவட்டங்களில் தேர்தல் நடப்பதால் பலத்த பாதுகாப்பு போடப்பட்டுள்ளது. இதில், 10 தொகுதிகளில் காலை 7 மணிக்கு வாக்குப்பதிவு தொடங்கியது. இதர 8 தொகுதிகளில் காலை 8 மணிக்கு வாக்குப்பதிவு தொடங்கியது.
பொதுமக்கள் தேர்தலை புறக்கணிக்குமாறு நக்சலைட்டுகள் மிரட்டல் விடுத்துள்ளதால், வாக்குச்சாவடிகளுக்கு பலத்த பாதுகாப்பு போடப்பட்டுள்ளது. மாநிலம் முழுவதும் துணை ராணுவத்தினர், போலீசார் என சுமார் 1 லட்சம் படையினர் தீவிர கண்காணிப்பில் ஈடுபட்டுள்ளனர்
