கபினி அணையில் இருந்து காவிரியில் திறக்கப்பட்ட உபரி நீர் மேட்டூரை வந்தடைந்ததால் நீர்வரத்து அதிகரித்து வருகிறது.
இந்நிலையில், மேட்டூர் அணைக்கு நீர்வரத்து வினாடிக்கு 32 ஆயிரம் கன அடியாக அதிகரித்துள்ளது. நேற்று காலையில் மேட்டூர் அணைக்கு வினாடிக்கு 14 ஆயிரத்து 334 கன அடி நீர் வந்து கொண்டிருந்த நிலையில், இன்று காலையில் வினாடிக்கு 32 ஆயிரத்து 884 கன அடியாக அதிகரித்துள்ளது.
நேற்று காலை 65 அடியாக இருந்த நீர் மட்டம் இன்று காலை 68.42 அடியை எட்டியது. அணையில் நீர் இருப்பு 31.36 டி.எம்.சியாக உள்ளது. அணையிலிருந்து 1000 கன அடி தண்ணீர் குடிநீர் தேவைக்கு வெளியற்றப்பட்டு வருகிறது.
நீர் அதிகரிப்பால் விவசாயிகள் மகிழ்ச்சியில் அடைந்துள்ளனர்.
