கடந்த மாதத்துக்கான முழு ஊதியம் வழங்கப்படாததை கண்டித்து சென்னையில் இன்று மாநகர போக்குவரத்துக்கழக ஊழியர்கள் வேலை நிறுத்தப் போராட்டத்தில் ஈடுபட்டனர்.
சென்னையில் போக்குவரத்துக்கழக தொழிலாளர்களுக்கு கடந்த மாதத்துக்கான ஊதியம் முழுமையாக வழங்கப்படவில்லை என கூறப்படுகிறது. இந்நிலையில் முழு ஊதியம் வழங்கப்படாததை கண்டித்து போக்குவரத்துக் கழக ஊழியர்கள் வேலை நிறுத்தத்தில் ஈடுபட்டனர். பேருந்துகளை வெளியே எடுக்காமல், பணிமனையிலேயே நிறுத்தி வைத்தனர். இதனால் அலுவலக ஊழியர்கள், பள்ளி மற்றும் கல்லூரி மாணவர்கள் கடும் சிரமம் அடைந்தனர்.
அம்பத்தூர், ஆவடி, ஐயப்பன் தாங்கல், பட்டாபிராம், திருமங்கலம், தாம்பரம் உள்ளிட்ட பணிமனைகளில் இருந்து சுமார் 850 பேருந்துகள் இன்று இயக்கப்படவில்லை. இதற்கிடையே இன்று இரவுக்குள் வங்கிக் கணக்கில் முழுமையான ஊதியம் செலுத்தப்படும் என போக்குவரத்து துறை தெரிவித்துள்ளது.
credit n7.tv