வேலூர் மக்களவைத் தொகுதிக்கான தேர்தல் அடுத்த மாதம் 5ம் தேதி நடைபெறும் என தலைமைத் தேர்தல் ஆணையம் அறிவித்துள்ளது.
நாடாளுமன்றத் தேர்தலின்போது வேலூர் தொகுதியில் எழுந்த பணபட்டுவாடா புகாரை அடுத்து, அத்தொகுதிக்கான தேர்தல் நிறுத்தி வைக்கப்பட்டது. இந்நிலையில், அந்த தொகுதிக்கான தேர்தல், அடுத்த மாதம் 5ம் தேதி நடைபெறும் என தேர்தல் ஆணையம் அறிவித்துள்ளது. வேட்புமனு தாக்கல் இம்மாதம் 11ம் தேதி தொடங்கி, 18ம் தேதி வரை நடைபெறும் என்றும், 19ம் தேதி வேட்பு மனுக்கள் பரிசீலனைக்கு எடுத்துக் கொள்ளப்படும் என்றும் தேர்தல் ஆணையம் தெரிவித்துள்ளது.
வேட்புமனுக்களை இம்மாதம் 22ம் தேதி வரை திரும்பப் பெற்றுக் கொள்ளலாம் என்றும் தேர்தல் ஆணையம் தனது அறிவிப்பில் குறிப்பிட்டுள்ளது. ஆகஸ்ட் 5ம் தேதி பதிவாகும் வாக்குகள் ஆகஸ்ட் 9ம் தேதி எண்ணப்பட்டு, அன்றைய தினமே முடிவு அறிவிக்கப்படும்.
credit ns7.tv
