மிஷன் சக்தி திட்டத்தால் விண்வெளியில் உருவான குப்பை தானாக எரிந்துவிடும்! April 05, 2019

இந்தியாவின் மிஷன் சக்தி திட்டத்தால் விண்வெளியில் உருவான குப்பை தானாக எரிந்துவிடும் என்று அமெரிக்க பாதுகாப்பு தலைமையகமான பெண்டகன் தெரிவித்துள்ளது.

அமெரிக்க விண்வெளி ஆய்வு மையமான நாசா, ஏவுகணை மூலம் இந்தியா தாக்கி அழித்த செயற்கைக்கோளின் சிதறிய பாகங்கள் விண்வெளி ஆய்வு மையத்திற்கு பாதிப்பை ஏற்படுத்தும் என கூறியிருந்தது. 

இந்நிலையில், அந்நாட்டின் பாதுகாப்பு தலைமையகமான பெண்டகன் இதனை மறுத்துள்ளது. சிதறிய பாகங்களால் எந்த பாதிப்பும் ஏற்படாது என்றும், அவை தானாக எரிந்துவிடும் என்றும் அமெரிக்க பாதுகாப்பு அமைச்சர் பாட்ரிக் கடந்த மாதம் 28ம் தேதி கூறியிருந்தார். இந்நிலையில், இதனை அமெரிக்க பாதுகாப்பு தலைமையகமான பெண்டகனும் உறுதிப்படுத்தியுள்ளது. 

source ns7.tv