பெட்ரோல், டீசல் விலை உயர்வை கண்டித்து சென்னை அண்ணா சாலையில் போராட்டத்தில் ஈடுபட்ட இடதுசாரி கட்சி தலைவர்கள் கைது செய்யப்பட்டனர்.
சென்னை அண்ணா சாலையில் உள்ள தாராப்பூர் டவர் அருகே நடந்த போராட்டத்தில் முத்தரசன், கே.பாலகிருஷ்ணன் தலைமையில் ஏராளமானோர் கலந்துகொண்டனர்.
போராட்டக்காரர்கள் திடீரென சாலை மறியலில் ஈடுபட்டதால் போக்குவரத்து பாதிக்கப்பட்டது. இதனால் கூடுதல் போலீசார் வரவழைக்கப்பட்டு அனைவரும் வலுக்கட்டாயமாக கைது செய்யப்பட்டனர்.
நெல்லை சந்திப்பு பேருந்து நிலையம் அருகே இடதுசாரி கட்சிகள் சார்பில் சாலை மறியல் போராட்டம் நடைபெற்றது. இதில், மார்க்சிஸ்ட், இந்திய கம்யூனிஸ்ட், மார்க்சிஸ்ட் லெனினிஸ்ட் உள்ளிட்ட இடதுசாரி கட்சிகளின் தொண்டர்கள் கலந்துகொண்டனர்.
சாலை மறியலால் போக்குவரத்து பாதிக்கப்பட்ட நிலையில், போராட்டத்தில் ஈடுபட்ட 100-க்கும் மேற்பட்டோர் கைது செய்யப்பட்டனர்.
