மே 1991 ➤ ஸ்ரீபெரும்புதூர் வந்திருந்த முன்னாள் பிரதமர் ராஜிவ்காந்தி, தற்கொலைப்படைத் தாக்குதலால் கொலை செய்யப்பட்டார்.
ஜனவரி 1998 ➤ ராஜிவ்காந்தி கொலை வழக்கில் கைதான முருகன், சாந்தன், பேரறிவாளன், நளினி உட்பட 26 பேருக்குத் தடா நீதிமன்றம் தூக்குத்தண்டனை விதித்தது.
மே 1999 ➤ முருகன், சாந்தன், பேரறிவாளன், நளினி ஆகிய 4 பேரின் தூக்கு தண்டனையை உறுதிப்படுத்தியது. ராபர்ட் பயாஸ், ஜெயகுமார், ரவிச்சந்திரன் ஆகியோரின் மரண தண்டனையை ஆயுள் தண்டனையாக குறைத்தது. இதர 19 பேர் விடுதலை செய்யப்பட்டனர்.
அக்டோபர் 1999 ➤ நால்வரின் கருணை மனு தமிழக ஆளுநரால் நிராகரிக்கப்பட்டது
ஏப்ரல் 2000 ➤ அப்போதைய முதலமைச்சர் கருணாநிதி, நளினியின் மரண தண்டனையை ஆயுள் தண்டனையாக குறைக்கப் பரிந்துரை செய்தார்.
ஏப்ரல் 2000 ➤ தமிழக ஆளுநராக இருந்த பாத்திமா பீவி மனிதாபிமான அடிப்பரையில் நளினியின் மரண தண்டனையை ஆயுள் தண்டனையாக குறைத்தார்.
மார்ச் 2008 ➤ நளினியுடன் பிரியங்கா காந்தி வேலூர் சிறையில் சந்திப்பு
ஆகஸ்ட் 2011 ➤ முருகன், சாந்தன், பேரறிவாளன் கருணை மனுக்களை அப்போதைய குடியரசுத் தலைவர் பிரதிபா பாட்டீல் நிராகரித்தார்.
ஆகஸ்ட் 2011 ➤ மூவரின் தூக்கு தண்டனையைக் குறைக்க வேண்டுமெனத் தமிழக சட்டப்பேரவையில் தீர்மானம் நிறைவேற்றப்பட்டது.
பிப்ரவரி 2014 ➤ மூவரின் தூக்குத்தண்டனையை ரத்து செய்து, அதனை ஆயுள் தண்டனையாக குறைத்து உச்சநீதிமன்றம் உத்தரவிட்டது. தூக்குத்தண்டனை ரத்தானதும் முருகன், சாந்தன், பேரறிவாளன் உட்பட 7 பேரையும் விடுதலை செய்வதற்கு தமிழக அரசு முடிவு செய்தது.
மார்ச் 2014 ➤ தமிழக அரசின் முடிவை எதிர்த்து மத்திய அரசு உச்சநீதிமன்றத்தில் வழக்கு தொடர்ந்தது.
மார்ச் 2014 ➤ தமிழக அரசின் முடிவுக்கு இடைக்காலத் தடை விதித்து உச்சநீதிமன்றம் உத்தரவிட்டது.
டிசம்பர் 2015 ➤ 7 பேரை விடுதலை செய்யும் அதிகாரம் மத்திய அரசுக்கு மட்டுமே உள்ளது என உச்ச நீதிமன்றம் தெரிவித்தது.
டிசம்பர் 2015 ➤ 20 ஆண்டுகள் நிறைவடைந்த ஆயுள் கைதிகளை முன்கூட்டி விடுதலை செய்யும் திட்டத்தின் கீழ் விடுதலை செய்ய சென்னை உயர்நீதிமன்றத்தில் நளினி மனு தாக்கல் செய்தார்.
மார்ச் 2016 ➤ 7 பேரை விடுவிப்பது குறித்து மத்திய அரசுக்குத் தமிழக அரசு கடிதம் எழுதியது.
ஏப்ரல் 2016 ➤ 7 பேரை விடுவிப்பது குறித்த தமிழக அரசின் கோரிக்கையை நிராகித்தது மத்திய அரசு
ஜனவரி 2018 ➤ பேரறிவாளன் உள்ளிட்ட 7 பேரை விடுவிப்பது குறித்து மத்திய அரசு 3 மாதத்திற்குள் முடிவு எடுக்க வேண்டும் என உச்சநீதிமன்றம் உத்தரவு பிறப்பித்துள்ளது
ஆகஸ்டு 2018 ➤ குற்றவாளிகளை விடுவிக்கும் தமிழக அரசின் முடிவு ஆபத்தான முன்னுதாரணமாகிவிடும் என உச்ச நீதிமன்றத்தில் மத்திய அரசு வாதம்.
செப்டம்பர் 2018 ➤ ராஜிவ் காந்தி கொலைவழக்கில் பேரறிவாளன் உட்பட 7 பேரை விடுதலை செய்ய தமிழக அரசுக்கு அதிகாரம் உள்ளது என உச்சநீதிமன்றம் தீர்ப்பு.
